Popular Posts

Tuesday, September 25, 2018

फिफा उत्कृष्ट खेलाडी अवार्ड : मेस्सीको भोट रोनाल्डोलाई, रोनाल्डोले कसलाई दिए ?



काठमाडौं, असोज ९
विश्व फुटबलमा पछिल्लो १० वर्षसम्म फिफाको उत्कृष्ट वर्ष खेलाडीको अवार्डमा पोर्चुगलका क्रिस्टियानो रोनाल्डो र अर्जेन्टिनाका लिओनल मेस्सीले एकछत्र राज गरे । तर, यसपटक भने रोनाल्डो र मेस्सीको युगमा ब्रेक लागेको छ ।
यसपटक क्रोएसियाका लुका मोड्रिकले रोनाल्डो र मेस्सीलाई पन्छाउँदै फिफा वर्ष खेलाडीको अवार्ड उचाले । जसमा टप–३ मा मोड्रिकले रोनाल्डो र इजिप्टका मोहमद सालाहलाई पछि पार्दै अवार्ड जिते ।
यता, मेस्सी भने यसपटक टप–३ मै परेका थिएनन् । पाँचपटक फिफा वर्ष खेलाडी बनिसकेका मेस्सी यसपटक सन् २००६ पछि पहिलोपटक टप–३ मा पर्न असफल रहे ।
सन् २००७ मा ब्राजिलियन काकाले जितेयता यो अवार्ड रोनाल्डो र मेस्सीले समान ५–५ पटक जितेका छन् । यतिसम्म कि, युइएफए अवार्डमा आन्द्रे इनिएस्टा र फ्राङ्क रिबेरी आउँदा पनि फिफामा रोनाल्डो वा मेस्सीले अवार्ड जित्दै आए ।
कसको भोट कसलाई ?
यसपटक आफू टप–३ मा नपरे पनि राष्ट्रिय टोलीको कप्तानका हैसियामा मेस्सी र रोनाल्डो दुवैले उत्कृष्ट खेलाडीका लागि भोट गरेका छन् । फिफा वर्ष खेलाडी छान्दा फिफाको सदस्य राष्ट्रका कप्तान र प्रशिक्षकले भोट दिनुपर्छ ।
जसअनुसार रोनाल्डो र मेस्सी दुवैले लुका मोड्रिकलाई भोट दिएका छन् । मेस्सीले पहिलो मत नै मोड्रिकलाई नै दिएका छन् । उनले दोस्रो मत फ्रान्सका केलियन एम्बाप्पेलाई दिए भने तेस्रो स्थानमा रोनाल्डोलाई मत दिएका छन् ।
तर, रोनाल्डोले भने पहिलो नम्बरमा फ्रान्सका भारानेलाई मत दिएका छन् । उनले दोस्रो स्थानमा मोड्रिकलाई मत दिँदा तेस्रो स्थानमा ग्रीजम्यानलाई मत दिएको पाइएको छ ।

No comments:

Post a Comment

सहयोगी हातहरु-The Helping Hands ले मनाये पृथ्वी जयन्ती धनगढ़ीको पार्क मोडमा।Kuri Gang

 #२८९ औं पृथ्वी जन्मजयन्ती 🙏 #राष्ट्रीय एकता दिवस ०७६✊✊🇳🇵🇳🇵 #पुस २७❤️ #Change Begin from ownself #The सहयोगसहयोगी हातहरू-The H...